नॅशनल मिनरल डेव्हलपमेंट कॉर्पोरेशन लिमिटेड (NMDC) ने त्यांच्या अधिकृत वेबसाइटवर विविध शिकाऊ पदांसाठी ऑनलाइन अर्ज मागवले आहेत. नॅशनल मिनरल डेव्हलपमेंट कॉर्पोरेशन (NMDC) ट्रेड अप्रेंटिसच्या पदांच्या (Trade Apprentice) 120 रिक्त जागांवर भरती करण्यात येत आहे. या 120 रिक्त जागा कंत्राटी पद्धतीवर भरती करण्यात येत आहे. या भरतीसाठी इच्छुक उमेदवारांनी लवकर ऑनलाईन अर्ज करावा. या भरतीसाठी अधिसूचना, पात्रता, वयोमर्यादा, निवड प्रक्रिया आणि इतर तपशील जाणून घ्या. रिक्त पदांचा तपशील या भरती मोहिमेद्वारे 120 शिकाऊ पदे भरण्यात येणार आहेत. यामध्ये मेकॅनिक डिझेल, इलेक्ट्रिशियन, वेल्डर, मेकॅनिक (मोटर वाहन) यासह विविध ट्रेडमध्ये भरती केली जाईल. महत्त्वाच्या तारखा NMDC ने त्यांच्या अधिकृत वेबसाइटवर ऑनलाइन अर्ज/वॉक-इन-इंटरव्ह्यू शेड्यूलसह तपशीलवार सूचना अपलोड केली आहे. 22 ते 26 फेब्रुवारी 2024 दरम्यान आयोजित केलेल्या पोस्टनिहाय वॉक-इन-मुलाखतीनुसार तुम्ही या पदांसाठी मुलाखत घेऊ शकता. शैक्षणिक पात्रता उमेदवारांनी संबंधित ट्रेडमध्ये नॅशनल कौन्सिल फॉर व्होकेशनल ट्रेनिंगद्वारे आयटीआय उत्तीर्ण केलेली असावी. तुम्हाला पदांच्या शैक्षणिक पात्रतेच्या तपशीलासाठी अधिसूचना पाहा. शैक्षणिक पात्रता, वयोमर्यादा आणि इतर तपशील माहितीसाठी उमेदवारांनी अधिकृत अधिसूचना तपासावी. निवड कशी केली जाईल? पात्र आणि इच्छुक उमेदवारांना वॉक-इन मुलाखतीसाठी बोलावण्यात आलं आहे. या मोहिमेअंतर्गत 22, 23 आणि 24 फेब्रुवारी 2024 रोजी मेकॅनिकल, इलेक्ट्रिशियन आणि फिटर ट्रेडसाठी मुलाखती घेण्यात येणार आहेत. तर वेल्डर, मशिनिस्ट मेकॅनिकल मोटर व्हेईकलसाठी 25 आणि 26 फेब्रुवारी 2024 रोजी मुलाखतीचे आयोजन केले जाईल. अर्ज कुठे दाखल कराल? या भरतीअंतर्गत अर्ज करण्यासाठी उमेदवार nmdc.co.in/careers येथे अधिकृत अधिसूचना पाहू शकतात. या भरतीसाठी थेट मुलाखतीद्वारे उमेदवारांची निवड केली जाईल.