पगारदार नोकरवर्गासाठी मोठी बातमी आहे. कर्मचारी भविष्य निर्वाह निधी संघटनेने (EPFO) २०२३-२४ साठी कर्मचाऱ्यांच्या भविष्य निर्वाह निधीवर ८.२५ टक्के व्याजदर निश्चित केला आहे. कर्मचारी भविष्य निर्वाह निधी संघटने (EPFO) च्या केंद्रीय विश्वस्त मंडळाने (CBT) २०२३-२४ साठी कर्मचारी भविष्य निर्वाह निधी (EPF) खात्यांसाठी ८.२५ टक्के व्याजदर निश्चित केला आहे, असे पीटीआयने शनिवारी दिलेल्या वृत्तात म्हटले आहे. गेल्या वर्षी २८ मार्च रोजी EPFO ​​ने २०२२-२३ साठी कर्मचारी भविष्य निर्वाह निधीवर (EPF) ८.१५ टक्के व्याजदर जाहीर केला होता. आता व्याजदरात वाढ करण्यात आली आहे.