कोपरगाव - दिनांक 12 जुलै 2025 रोजी जिल्हा परिषद प्राथमिक शाळा भास्कर वस्ती खिर्डी गणेश येथे बिपिन कोल्हे अध्यक्ष संजीवनी उद्योग समूह यांच्या वाढदिवसानिमित्त प्राप्त झालेल्या वह्यांचे वाटप चंद्रभान रोहम चेअरमन विविध विकास सहकारी सेवा सोसायटी खिर्डी गणेश संजीवनी सहकारी साखर कारखान्याचे संचालक प्रदीप नवले माजी सरपंच ज्येष्ठ मार्गदर्शक ज्योति पतसंस्थेचे संचालक वाल्मीक भास्कर तसेच ग्रामपंचायत सदस्य सुरेश रोहोम यांच्या उपस्थित मोफत वह्यांचे वाटप करण्यात आले या कार्यक्रमाचे प्रास्ताविक शाळेचे मुख्याध्यापक जयंत मोरे यांनी केले तर सूत्रसंचालन शाळेचे शिक्षक सुकलाल महाजन यांनी केले. आभार प्रदर्शन शाळेचे शिक्षक महादेव प्रधान यांनी केले. याप्रसंगी बिपिन कोल्हे यांच्या उत्तम आरोग्यासाठी प्रार्थना करण्यात आली. या कार्यक्रमास शाळेचे शिक्षक महेंद्र विधाते व शिक्षिका ज्योती टोरपे यासह मोठ्या प्रमाणात पालक,व्यवस्थापन समिती सदस्य उपस्थित होते. एक चांगले शैक्षणिक काम दादांच्या वाढदिवसानिमित्ताने होत आहे याबाबत सर्वांचे हार्दिक आभार मानण्यात आले असून बिपीन कोल्हे यांना शाळा व्यवस्थापन समिती व सर्वांच्या वतीने वाढदिवसाच्या हार्दिक शुभेच्छा देण्यात आल्या.