शहापूर येथील सर्पमित्राचा सर्पदंशाने मृत्यू झाला. स्वप्निल रघुनाथ शहापुरे (वय ३३) असे त्याचे नाव आहे. ही घटना शहापूर येथील जेके नगर येथे मंगळवारी सायंकाळी घडली. याबाबत मिळालेली माहिती अशी, जेकेनगर येथे साप आला आहे म्हणून स्वप्निलला शहापूर येथून मंगळवारी सायंकाळी पाचच्या दरम्यान फोन आला. त्यानंतर त्याने तातडीने घटनास्थळी जाऊन सर्प पकडण्यास सुरुवात केली. घोणस हा विषारी साप असल्याने स्वप्निल याने सावधानगिरी बाळगली; मात्र त्यातूनही सापाने त्याला दंश केला. रुग्णालयात उपचार सुरू असताना त्याचा मृत्यू झाला.