नवीन वर्ष सुरु होताच अनेक बँकांनी व्याज दरात (Bank FD Interest Rate) बदल केला आहे. काही सरकारी बँकांकडून (Banks) व्याज दरात वाढ करण्यात आली असून एफडीवर (Fixed Deposit) 8.40 टक्क्यांपर्यंत व्याज दर देण्यात येत आहे. काही बँकांनी खास मुदत ठेव योजनांची अंतिम तारीख वाढवला आहे. एफडी योजनांचा कालावधी वाढल्याने गुंतवणूकदारांना याचा फायदा होणार आहे. पंजाब नॅशनल बँक (Punjab National Bank), बँक ऑफ बडोदा (Bank of Baroda), फेडरल बँक (Federal Bank) आणि आयडीबीआय बँक (IDBI Bank) या बँकांनी जानेवारी 2024 मध्ये एफडीवरील व्याज दरात बदल केला आहे. या बँकांचे नवे व्याज दर काय आहेत, ते जाणून घ्या. जानेवारी महिन्यात 'या' बँकांच्या व्याज दरात बदल पीएनबी (PNB), बीओबी (BOB), फेडरल बँक आणि आयडीआय बँक या बँकांनी 2024 नवीन वर्षाच्या पहिल्याच महिन्यात FD वरील व्याज दरात बदल केला आहे. जानेवारी 2024 मध्ये कोणत्या बँकांनी व्याजदर वाढवले ​​आहेत? पाहा. पंजाब नॅशनल बँक PNB म्हणजेच पंजाब नॅशनल बँकेने जानेवारी महिन्यात दोन वेळा एफडीवरील दरात बदल केला आहे. पंजाब नॅशनल बँकेने एकाच कार्यकाळात 80 बेसिस पॉइंट्सने दर वाढवला. PNB बँकेने सामान्य ग्राहकांसाठी 300 दिवसांच्या FD वर 80 bps ने व्याजदर 6.25 टक्क्यांवरून वाढवून 7.05 टक्क्यांपर्यंत केला. ज्येष्ठ नागरिकांना 7.55 टक्के तर अति ज्येष्ठ नागरिकांना 7.85 टक्के व्याज दिलं जात आहे. PNB बँक नियमित ग्राहकांसाठी 3.50 टक्के ते 7.25 टक्के दरम्यान व्याजदर देत आहे. ज्येष्ठ नागरिकांसाठी, बँक 4 टक्के ते 7.75टक्के दरम्यान व्याज देण्यात येत आहे. बँक ऑफ बडोदा बँक ऑफ बडोदाने नवीन मॅच्युरिटी कालावधीसह विशेष शॉर्ट टर्म एफडी लाँच केली आहे. यामध्ये ग्राहकांना जास्त व्याज मिळते. नवीन एफडी व्याजदर 2 कोटी रुपयांपेक्षा कमी ठेवींसाठी लागू आहेत आणि 15 जानेवारी 2024 पासून नवे व्याज दर लागू करण्यात आले आहेत. बँकेने 360D (bob360) नावाची नवीन मॅच्युरिटी एफडी योजना लाँच केली आहे, यामध्ये सर्वसामान्य नागरिकांना 7.10 टक्के व्याज मिळते. तर, बँक ऑफ बडोदा ज्येष्ठ नागरिकांना 7.60 टक्के व्याजदर देते. आता, बँक सामान्य ग्राहकांना 7 दिवस ते 10 वर्षांच्या कालावधीसाठी 4.45 टक्के ते 7.25 टक्के दरम्यान व्याज देत आहे. ज्येष्ठ नागरिकांना 50 बेसिस पॉइंट जास्त व्याजदर देण्यात येत आहेत. फेडरल बँक फेडरल बँकेनेही मुदत ठेव योजनेवरील व्याज दरात बदल केला आहे. फेडरल बँकेने 500 दिवसांसाठीचा व्याजदर 7.75 टक्के आणि ज्येष्ठ नागरिकांसाठी 8.25 टक्के इतका वाढवला आहे. फेडरल बँक आता 500 दिवसांच्या कालावधीसाठी ज्येष्ठ नागरिकांना जास्तीत जास्त 8.40 टक्के परतावा देत आहे. 1 कोटी ते 2 कोटी रुपयांच्या रकमेसाठी न काढता येण्याजोग्या एफडीचा (Non-Withdrawal FD) व्याजदर (Interest Rate) 7.90 टक्के इतका वाढवण्यात आला आहे. सध्या फेडरल बँक 7 दिवसांपासून ते 10 वर्षांच्या कालावधीसाठी सामान्य ग्राहकांसाठी 3 टक्के ते 7.75 टक्के दरम्यान FD व्याजदर देत आहे. ज्येष्ठ नागरिकांसाठी एफडीवर 3.50 टक्के ते 8.25 टक्के व्याजदर देण्यात येत आहे. आयडीबीआय बँक आयडीबीआय बँकेने एफडीवरील व्याजदरातही बदल केला आहे. आता आयडीबीआय बँक 7 दिवसांपासून ते 10 वर्षांच्या कालावधीसाठी सामान्य ग्राहकांसाठी 3 टक्के ते 7 टक्के दरम्यान FD व्याज दर देत आहे, ज्येष्ठ नागरिकांसाठी हा व्याजदर 3.50 टक्के ते 7.50 टक्के आहे. हे दर 17 जानेवारी 2024 पासून लागू करण्यात आले आहेत.